Stvari koje ne smijete bacati u wc šolju: Napravićete veliki problem!
Iako je nekad najlakše smeće baciti u wc šolju, postoje stvari koje ne smijete nikada da bacite tamo. Zbog toga je dobro da uvijek u kupatilu imate malu kantu za smeće. Zato, prije nego što krenete da bacate sve u wc, sjetite se ove liste stvari koje u toaletu nikako ne smiju da završe.
1. Pamuk
To se odnosi na tampone, uloške, pa čak i štapiće za uši. Pamuk se lako hvata za sve i često dovodi do zapušenja jer nije razgradiv.
2. Vlažne maramice
Ne bacajte u toalet čak ni one stvari koje su “predviđene” za bacanje u wc šolju. Maramice ne mogu da se rastope, a jednom kada vam uđu u cijevi, od zapušenja vas neće spasiti niko.
3. Stari lijekovi
Lijekova kojima je prošao rok trajanja riješite se na siguran način, ali ne bacanjem u toalet. Oni vam neće zapušiti cijevi, ali njihov sastav može da šteti vodi kojom se snabdjevate.
4. Kosa
Idući put kada čistite četku, dlake bacite u smeće. Kao što vam zapušava tuš-kabinu ili kadu, kosa može da zapuši i odvod za wc.
5. Pijesak za mačke
Iako je najlakše da ga bacite u wc šolju, nemojte to da radite. I on stvara začepljenje zbog kojih ćete imati mnogo većih problema.
6. Masnoće i ulja
Bilo da je riječ o masnoći nakon kuvanja ili bilo kojoj drugoj, držite ih podalje od toaleta. Masnoća se zadržava na cijevima i radi istu stvar kao i holesterol krvnim sudovima.
7. Kondomi
Ni njima nije mjesto u WC šolji iako su napravljeni od biorazgradivog materijala. Bacite ih u smeće.
Izvor: vecernji.hr
